عُشر توصلك بشخص مرّ بنفس التجربة اللي تمر فيها، تسأله وتشاوره بلقاء أونلاين.
مركز المساعدة
الأسئلة الشائعة
إجابات سريعة عن الأكثر سؤالاً، من الحجز إلى اللقاء والخصوصية.
عن عُشر
لا. هو لقاء بين شخصين، الثاني يشاركك تجربته ويساعدك تفكر. القرار قرارك، وكلامه مو توصية ولا خطة عمل رسمية.
الحجز
سجّل حسابك، اختر المجال اللي محيّرك، وتصفّح أصحاب التجارب فيه. إذا لقيت الشخص المناسب، اختر الوقت وأرسل طلب الحجز. بعد تأكيده يوصلك رابط اللقاء على بريدك وفي «جلساتي».
تصفّح المجالات واختر اللي يناسبك، وكل ملف فيه «أقدر أفيدك في» بكلام صاحبه. وإذا ما عرفت تختار، تواصل معنا وقل لنا وش محيّرك.
إذا أضاف صاحب التجربة أسئلة قبل الحجز، بتظهر لك أثناء طلب اللقاء. جاوب عليها عشان تقدر تكمل الحجز، وهي تساعده يفهم موقفك قبل ما تبدأون.
إيه، اللقاءات مجانية بفترة الإطلاق.
إيه. إذا باقي على موعدك 4 ساعات أو أكثر، تقدر تلغي أو تغيّر الموعد مباشرة، ويتم إشعار صاحب التجربة. وإذا كان الحجز من باقة، ترجع الجلسة لرصيد باقتك عند الإلغاء. أما إذا باقي أقل من 4 ساعات، فالإلغاء يحتاج طلب يراجعه فريق عُشر، والتأجيل يحتاج موافقة صاحب التجربة. وإذا ما وافق على التأجيل، يبقى موعدك الأصلي مثل ما هو.
اللقاء
30 دقيقة، أونلاين بالكامل.
أونلاين بالكامل. يوصلك الرابط على بريدك وفي «جلساتي»، وتدخل منه بالموعد من جوالك أو الكمبيوتر.
إنترنت مستقر، وسماعة أو ميكروفون، ومكان هادي. ننصحك تدخل قبل الموعد بخمس دقائق تجرب الصوت والكاميرا.
بعد اللقاء يظهر لك في «جلساتي» طلب رأي، تقيّم فيه وتكتب اللي تبي. رأيك يساعد غيرك يختار صح.
الخصوصية
اللي تقوله باللقاء بينك وبين الشخص الثاني. وصاحب التجربة ملتزم بالسرية بموجب الاتفاقية اللي يوافق عليها عند انضمامه. ولا نشارك تفاصيل لقائك مع أي طرف ثالث بدون إذنك، إلا اللي تلزم به الأنظمة.
نتعامل مع بياناتك وفق سياسة الخصوصية والمتطلبات النظامية ذات العلاقة، ونستخدم إجراءات تقنية وتنظيمية لحمايتها. وتقدر تتواصل معنا لطلب نسخة من بياناتك أو طلب حذفها وفق الأنظمة.
أصحاب التجارب
كل واحد يدخل عُشر بدعوة، وبعد مراجعة تجربته الفعلية. ما فيه تسجيل مفتوح للجميع.
تواصل معنا من صفحة «انضم كصاحب تجربة»، ونرجع لك إذا تجربتك تناسب أحد مجالاتنا.